24 | 06 | 2019
Main Menu
Nieuws
Volgende wedstrijd:
Gestopt
Waar:
 
Aanwezig:
 
Tegenstander:
 
Chauffeurs:
 
Uit het fotoalbum
Clublokaal

Maroy Bar

Logo
phoca_thumb_m_logo.jpg

Verslag

FC De Berg - Heidebloem Laer

Noa ein paar minuten waas ut al duudelik det ut eine zwoare tegestenjer waas. Un jong ploog met vul oam, en ze voetbaldje allein mer noa veure. We kreege dus aug al get kenskes om de oeere. Toch waas ut De Berg die de scoore opendje. Noa eine weergaloze counter via leenks kreeg Nick de bal inne veut, 2 man en de keeper woore de bal effe kwieet en Nick leep de bal middels zien borstbein noa binne, 1-0. De Bleumkes begoste get te grauwele op deindanger, mer al gauw zogte ze de aanval weer op en De Berg kreeg ut weer meulik. Noa ein aantal verwoedje pogingen van Heidebloem waas ut toch weer De Berg met ein goal. En alweer oet eine counter. Dit kieer kreeg Pierre de bal op rechts. Pierre bedagt zich gein moment en met eine ferme wreeftrap ging de bal onhoudbaar en de verre hook, 2-0. Det woore de ieeste 10 minuten. Euver de 60 minuten die doanoa volgdje hoove we eigelik neet vul te sjrieve. Ut leep neet mieer, en kwoome tege dees jong ploog toch te kort. Ze haaje namelik get competitiespeulers oet Opglabeek metgenome en die maakdje ut spelke. Doormiddel van steakpaasje, driehoekjes, hakjes en num mer op woort De Berg te kiek gezatte en zoe stong ut noa ein oor 2-6. Noa die 6 goals tege kwoome we d'r aug nog ins agter det ze met 10 man aan ut voetballe woore, omdet d'r eine geblesseerdj ut stadion haaj motte verloate. De leste 10 minuten ginge dan waal weer get beater. De Berg kwoom d'r via leenks en rechts nog ein paar kieer euverhear. De veurzet kwoom d'r aug, mer de sjerpdje waas te min en doa veele dan helaas aug gein goals mieer oet. Ut bleef dan aug bie 2-6. Volgendje weak is d'r geine wedstrieed, moog eederein zich ins te tieed neme om lekker bie te kome. Kinne we de weak derop weer royaal goan vlamme!

Man of the Match: Geert-Jan Hea wirktj zich altieed hielemoal kapot, mer vandaag deej hea d'r nog ins ein tendje bove-op. Unne echte eenkelbieeter dea d'r kort op zoot! Zien meid en zus mooge tevreeje zeen!