24 | 06 | 2019
Main Menu
Nieuws
Volgende wedstrijd:
Gestopt
Waar:
 
Aanwezig:
 
Tegenstander:
 
Chauffeurs:
 
Uit het fotoalbum
Clublokaal

Maroy Bar

Logo
phoca_thumb_m_logo.jpg

Verslag

Sparta Blauw-Wit – FC De Berg

De Berg woort oetgenuudigdj in Hamont op ut groeete kefeevoetbaltournooi. En doa haaje ze zich eine sjoeene daag veur oetgezogtj. In dees tropische temperaturen kos De Berg aantreaje, en des al neet te min waas eederein fit!

Noa eine up, want werm waasj al koste we beginne. Ommenebei kreege we kenskes. Blauw-Wit waas met name gevoarlik oet de vrieje trappe en korners. Noa un klein kwarteerke veel hieel effe de konsentrasie weg en zoe stong De Berg met 1-0 agter. Mer neet getreurdj, De Berg ging door met voetballe. Noa get sjoeene driehoekjes en get gegrauwel leenks en rechts waas ut Ad met eine steakbal. Ruudje d’r agteraan, en dea sjoot um in de leenkse hook, 1-1. Doa kreeg De Berg weer get beater mood van, en ginge gauw opzeuk noa de veursprong. Dea leek deraan te kome, Koen waas 2 man te slum aaf en lagt um pankloar veur Ad, mer door dea dubbele knoap in zien nistels ging de bal prongeluk neave. Neet veur later waas ut weer Koen met ut veurbereidendje werk mer dit kieer Ad met de kop. Dea gaaf d’r nog eine lestige bluts aan met, en de keeper besloot om doa neet op te reageren, 1-2. Vasthoaje zootse zegge, mer toen kwoome weer un paar van die gevroarlikke korners. Eine indreijendje korner werd door eederein verkierdj bekeke, en dea veel d’r dan aug in, 2-2. Noe kreege we nog un paar van die korners tege, mer Geert haaj d’rvan gelierdj en waas ekstra attent, met de voeest wist hea nog un paar goals te veurkome. Ut waas weer ins tieed veur ein goal aan de angere kantj. Doa kwoom Ad weer aangestormdj, lag um breid op Ruud en noa ut oetspeule van de keeper stong ut 2-3.

We ginge aafkeule/ dreenke/ ruste en nog get aafkeule. In de 2dje helluft waas De Berg nog waal un paar kieer gevroarlik mer un goal kreege we neet mieer. Sparta Blauw-Wit anges waal nog, dit missjien door get slordigheidjes agterin. 3-3 bleef ut. Doa haaj mieer ingezeate det is 1 deenk wat zeker is, mer of we aug echt mieer verdeendj haaje is get anges. Geniete van ut sjoeene wear, det is waat os nog te doon stong!

Man of the Match: Ruud 2 goals, get aardige akties en eine ummer zweit, det is waat steit.